"Бавария" дарвозабони Мануэль Нойер жамоанинг Чемпионлар лигаси жорий мавсумидаги иштироки ҳақида фикр билдирди.
Чоршанба куни Венсан Компани жамоаси ўз майдонида Бельгиянинг "Брюгге" клубини тор-мор этди - 4:0. Мюнхенликлар ҳали ҳам мағлубият нималигини билмаяпти - умумий босқичнинг уч туридан кейин тўққиз очко.
"Иштиёқимиз ҳаммага сезиляпти - ҳар бир ўйинга шундай руҳда ёндашяпмиз. Аммо эндигина учта тур ортда қолди, ҳар сафар янги вазифаларга эътибор қаратиш керак. Биз ўйинга ўта руҳланган ҳолда чиқдик, ўзимизни зўр кўрсатдик. Шу руҳда давом этиш керак," - дея Нойернинг сўзларини келтиради Bayern & Germany.
"Бавария"нинг Чемпионлар Лигасидаги навбатдаги рақиби "ПСЖ" ҳисобланади. Учрашув 4 ноябрь куни Парижда бўлиб ўтади.
