Мадриднинг "Реал" клуби бош мураббийи Хаби Алонсо жамоанинг туркиялик ярим ҳимоячиси Арда Гюлерни "Ливерпуль" вингери Флориан Вирцга қиёслади.
Эслатиб ўтамиз, испаниялик мутахассис Вирцга Леверкузеннинг "Байер" клубида устозлик қилган. Ёзда немис "Ливерпуль"га кўчиб ўтди.
"Мен унинг ривожланишидан жуда мамнунман, лекин биз кўпроқ нарсани хоҳлаймиз. "Байер"даги Вирц ҳам шундай эди. У ёш, аммо аллақачон буюк ўйинчи - у жараёнда, аммо жуда юқори даражада," - дея Алонсонинг сўзларини келтиради AS.













