"Милан" Лука Модричнинг юлдуз ҳамюрти учун курашда пешқадамлик қилмоқда.
CaughtOffside нашри манбаларига кўра, яқин вақтлар ичида Матео Ковачич "Манчестер Сити"ни тарк этиши мумкин. Айни пайтда унинг шартномасини узайтириш бўйича музокаралар тўхтатилган ва бир қанча клублар 31 ёшли хорватиялик футболчини ўз сафига қўшиб олишга тайёр.
Қайд этилишича, "Милан" ушбу пойгада фаворит ҳисобланади, аммо унинг хизматларига "Астон Вилла" ва "Вест Хэм" клублари ҳам қизиқиш билдирмоқда.
2025/26 йилги мавсумда Матео Ковачич "Манчестер Сити" сафида барча мусобақаларда учта ўйинда майдонга тушиб, жами 37 дақиқа ўйнади. Transfermarkt сайтида унинг трансфер нархи 20 миллион еврога баҳоланмоқда.
