Италия терма жамоасининг собиқ футболчиси Фабрицио Раванелли А Сериянинг жорий мавсумидаги олтин медаллар учун кураш ҳақида гапирди.
Мутахассиснинг фикрича, чемпионлик пойгасида "Милан" ва "Интер" фаворит бўлиб турибди, "Ювентус"да эса соврин учун имконият бўлиши учун яна бир-икки йил керак.
"Милан" ва "Интер" Скудетто учун охиригача курашади. "Ювентус"га вақт керак, ҳозир улар бундай жамоалар билан рақобатлаша олмайди. Бош директор ва бутун раҳбариятга хотиржам ишлаш имкониятини бериш керак," - дея Раванеллининг сўзларини келтиради Corriere dello Sport.
"Милан" ва "Интер" А Серияда мос равишда биринчи ва иккинчи ўринларни эгаллаб турибди. "Россонерилар" ҳисобида 17 очко бор, "нерадзуррилар" эса ундан икки очко кам жамғарган. "Ювентус" 12 очко билан турнир жадвалида еттинчи ўринда бормоқда.
