"Манчестер Юнайтед" хўжайинларидан бири Жим Рэтклифф Каталониянинг "Барселона" клуби шарафини ҳимоя қилаётган марказий ҳужумчи Роберт Левандовскининг трансферига тақиқ қўйди. Бу ҳақда Mirror журналистлари хабар бермоқда.

Манбага маълум бўлишича, бизнесмен фаолиятини якунлаш арафасида турган футболчиларни таклиф қилишдан манфаатдор эмас. 37 ёшли польшалик тўпурарни "қизил иблислар" етакчиси Рубен Аморим истади, аммо раҳбарият мураббийнинг истагини амалга оширмади.

Робертнинг "кўк-анорранглилар" билан меҳнат шартномаси келаси йилнинг ёзида тугайди. Жорий мавсумда польшалик тўққизта учрашувда тўртта тўп киритди.