Мадриднинг "Реал" клуби ярим ҳимоячиси Арда Гюлер шанба куни бўлиб ўтган "эл-класико"да "Барселона" устидан қозонилган ғалаба (2:1) ҳақида фикр билдирди.
Хаби Алонсо жамоаси ўз уйида Килиан Мбаппе ва Жуд Беллингемнинг голлари эвазига устун келди. Меҳмонларнинг ягона голига Фермин Лопес муаллифлик қилди.
"Энг буюклар. Hala Madrid", - деб ёзди Гюлер ўйин якунланганидан сўнг ижтимоий тармоқдаги саҳифасида.
"Реал" Испания чемпионати турнир жадвалида 27 очко билан пешқадамликни мустаҳкамлади. "Барселона" иккинчи ўринда қолмоқда, аммо "қаймоқранглилар" билан орадаги фарқ беш очкони ташкил этмоқда.
