"Бавария" "Хоффенхайм" ҳужумчиси Фисник Ассланига қизиқиш билдирмоқда, дея хабар бермоқда журналист Флориан Плеттенберг.
Манбага кўра, мюнхенликлар 23 ёшли форвардни 2026/27 йилги мавсумдан бошлаб Харри Кейнга ўринбосар сифатида кўрмоқда. Қайд этилишича, "Бавария" раҳбарияти футболчининг ўйин даражасидан ҳайратга тушган ва унинг трансфер шорт-листига киритилган.
Бу мавсумда Косово терма жамоаси вакили барча турнирларда 9 та ўйин ўтказиб, 6 та гол урди ва 2 та голли узатмани амалга оширди. Унинг "Хоффенхайм" билан шартномаси 2029 йилнинг июнь ойи охиригача мўлжалланган. Transfermarkt портали футболчининг нархини 18 миллион еврога баҳоламоқда.
