"Bavariya" "Xoffenxaym" hujumchisi Fisnik Asslaniga qiziqish bildirmoqda, deya xabar bermoqda jurnalist Florian Plettenberg.
Manbaga ko‘ra, myunxenliklar 23 yoshli forvardni 2026/27 yilgi mavsumdan boshlab Xarri Keynga o‘rinbosar sifatida ko‘rmoqda. Qayd etilishicha, "Bavariya" rahbariyati futbolchining o‘yin darajasidan hayratga tushgan va uning transfer short-listiga kiritilgan.
Bu mavsumda Kosovo terma jamoasi vakili barcha turnirlarda 9 ta o‘yin o‘tkazib, 6 ta gol urdi va 2 ta golli uzatmani amalga oshirdi. Uning "Xoffenxaym" bilan shartnomasi 2029 yilning iyun oyi oxirigacha mo‘ljallangan. Transfermarkt portali futbolchining narxini 18 million yevroga baholamoqda.
