"Интер Майами" клуби ва Аргентина терма жамоаси ҳужумчиси Лионель Месси 2026 йилги жаҳон чемпионатига бориши мумкинлиги ҳақида гапирди.
"Тўғрисини айтсам, жаҳон чемпионатига бориш ажойиб бўларди. Мен яхши формада бўлишни ва Аргентина терма жамоасида муҳим роль ўйнашни истардим. Келаси йили "Интер Майами" билан мавсумолди ўйинларини бошлаганимда вазиятни баҳолаб, 100 фоиз боримни бера оламанми, жамоага, терма жамоага фойдали бўла оламанми, шуни кўраман ва кейин бир қарорга келаман," - деди Месси NBC телеканалига берган интервьюсида.
Эслатиб ўтамиз, Аргентина терма жамоаси амалдаги жаҳон чемпиони ҳисобланади. 2022 йилда Лионель Скалони шогирдлари финалда Франция терма жамоасини мағлуб этганди.













