"Барселона"дан ижарага олинган "Эльче" ўнг қанот ҳимоячиси Эктор Форт Ламин Ямал ҳақида ўз фикрлари билан ўртоқлашди.

18 ёшли вингер "эл класико" олдидан Мадриднинг "Реал" клуби шаънига кескин сўзлар айтишга журъат этди. "Қаймоқранглилар" Ямални тўхтата олишди ва ғалабага эришишди (2:1), шундан сўнг ёш футболчига унинг сўзларини эслатишди.

"Ламиннинг аҳволи яхши. У ҳар бир ишда ўзини жуда яхши ҳис қилади ва "Барса" хотиржам бўлиши мумкин. Ламин учун ташвишланишга ҳожат йўқ. У бутун диққатини ишга қаратган. Одамлар шунчаки унинг ўйинидан завқланишлари керак, ахир у ажойиб", - дея Фортнинг сўзларини келтиради испан ОАВлари.

"Эльче" - "Барселона"нинг навбатдаги рақиби. Учрашув 2 ноябрь куни бўлиб ўтади.