"Реал"нинг собиқ футболчиси Тони Кроос жамоанинг класикодаги ғалабаси ҳақида гапирди.
"Қаймоқранглилар" ўз майдонида "Барселона"ни 2:1 ҳисобида енгди. Мадридликлар сафида голларга Килиан Мбаппе ва Жуд Беллингем муаллифлик қилди.
"Эл класико"? "Реал" ғалаба қозонганидан жуда хурсандман. Ҳақли ғалаба. Улар "Барселона"нинг ўйинидан унумли фойдаланишди. Танаффусда ҳисоб каттароқ бўлиши ҳам мумкин эди. "Реал" ўйинга катта донолик ва тактик саводхонлик билан ёндашди", - дея Крооснинг сўзларини келтиради Madrid Xtra.
"Реал" Ла Лига турнир жадвалида 1-ўринда бормоқда. Иккинчи ўринда бораётган "Барселона" мадридликлардан 5 очко ортда қолмоқда.
