Римнинг "Рома" клуби собиқ футболчиси Франческо Тотти Лучано Спаллетти Туриннинг "Ювентус" клуби бош мураббийи этиб тайинланиши ҳақида гапирди.
"Лучано "Ювентус" бош мураббийлигига номзодлардан бири эканини эшитдим. Унинг тайинланиши клуб учун ажойиб юриш бўлади. Спаллетти ажойиб мутахассис, у ҳар доим энг юқори натижага интилади. Бу клуб учун яхши келишув бўлади," - дея Франческонинг сўзларини келтиради Calciomercato.
Жорий ҳафта бошида "кекса синьора" бошқарувидан Игор Тудор истеъфога чиқарилди. А Серия 8-туридан сўнг Турин жамоаси турнир жадвалида 8-ўринни эгаллаб турибди.
