Мадриднинг "Реал" клуби собиқ ярим ҳимоячиси Хамес Родригес жорий мавсум якунлангач, Мексиканинг "Леон" клубини тарк этади. Клуб колумбиялик юлдузга янги меҳнат шартномасини таклиф қилмасликка қарор қилди, дея хабар бермоқда ESPN.
Таъкидлаш керакки, 34 ёшли футболчининг "Леон" билан амалдаги шартномаси декабрь ойи охирида ўз ниҳоясига етади. Хамес Мексика чемпионатида қолиши мумкин, чунки бир нечта клублар унинг хизматларига қизиқиш билдирмоқда.
2025/2026 йилги мавсумда ярим ҳимоячи Мексика чемпионатида 12 та "жанг"да иштирок этган. Хавбек ўз ҳисобига 3та гол ва битта голли узатмани ёздириб қўйди.













