«Барселона» дарвозабони Марк-Андре тер Штеген тикланишни давом эттирмоқда. 33 ёшли футболчи белидан операция қилинганидан сўнг реабилитациянинг биринчи босқичини якунлади. Mundo Deportivo маълумотларига кўра, немис дарвозабонининг тикланиш жараёни муваффақиятли кечмоқда — яқинда у майдонда машғулотларга қайта бошлаган.

Тахминларга кўра, тер Штеген жорий йилнинг охирида яна ўйинларга қайтиши мумкин. Бироқ унга бундай имконият берилишига кафолат йўқ: «кўк-анорранглилар» сардори жароҳат олгунга қадар асосий таркибдаги ўрнини йўқотган эди. Кўплаб миш-мишларга кўра, тажрибали кипер январь ойида клубини ўзгартириши мумкин.