"Челси" бош мураббийи Энцо Мареска ҳужумкор ярим ҳимоячи Коул Палмернинг ҳолати ҳақидаги саволга жавоб қайтарди.
«Яқинда унга нонушта вақтида ошхонада шундай дедим: “Бир ҳафтадан сўнг қайтасан”, — у эса кулиб юборди. Режамиз ўзгармаган. Кўрамиз, вақт кўрсатади», — деди Мареска матбуот анжуманида журналистларга.
Октябрь ойи ўрталарида Мареска Палмерга тикланиш учун яна олти ҳафта керак бўлишини айтган эди. «Челси» етакчиси декабрь ойида майдонга қайтиши кутилмоқда. Коул охирги марта 20 сентябрь куни майдонга тушган эди.
