«Ред Булл Зальцбург» вингери Керим Алайбегович карьерасини Испания чемпионатида давом эттириши мумкин. Бу ҳақда Defensa Central нашри хабар бермоқда.

Манба маълумотларига кўра, 18 ёшли ҳужумкор ярим ҳимоячини «Реал» ўз таркибига қўшишга қизиқиш билдирган. «Қироллик» клуби футболчи билан узоқ муддатли меҳнат шартномаси имзолашни режалаштирмоқда. Алайбегович учун курашда «қаймоқранглилар»нинг рақиблари сифатида Лондоннинг «Челси» ҳамда «Манчестер Юнайтед» клублари кўрсатилмоқда.

Жорий мавсумда ярим ҳимоячи 21 та учрашувда майдонга тушиб, 6 та гол ва 1 та голли узатма беришга муваффақ бўлган.