«Red Bull Zalsburg» vingeri Kerim Alaybegovich karyerasini Ispaniya chempionatida davom ettirishi mumkin. Bu haqda Defensa Central nashri xabar bermoqda.

Manba ma’lumotlariga ko‘ra, 18 yoshli hujumkor yarim himoyachini «Real» o‘z tarkibiga qo‘shishga qiziqish bildirgan. «Qirollik» klubi futbolchi bilan uzoq muddatli mehnat shartnomasi imzolashni rejalashtirmoqda. Alaybegovich uchun kurashda «qaymoqranglilar»ning raqiblari sifatida Londonning «Chelsi» hamda «Manchester Yunayted» klublari ko‘rsatilmoqda.

Joriy mavsumda yarim himoyachi 21 ta uchrashuvda maydonga tushib, 6 ta gol va 1 ta golli uzatma berishga muvaffaq bo‘lgan.