Dortmundning «Borussiya» klubi prezidenti Xans-Yoaxim Vatske «Manchester Siti» hujumchisi Erling Xolandning «Real»ga ehtimoliy transferi haqida o‘z fikrlari bilan o‘rtoqlashdi.
«Men Erling Xolandning «Real» haqida nima deb o‘ylashini juda yaxshi bilaman va sizga ayta olamanki, u «Real»ga juda qattiq havas qiladi hamda kelajakda ularning safida to‘p surishni xohlaydi. Biroq kelasi mavsumda u «Manchester Siti»da o‘ynashda davom etadi. Bunga hech qanday shubha yo‘q», — deya Vatskening so‘zlarini keltiradi Madrid Zone nashri.
2025/26 yilgi mavsumda Erling Xoland «Manchester Siti» safida barcha turnirlarda 52 ta uchrashuvda maydonga tushib, 38 ta gol urdi va 9 ta golli uzatmani amalga oshirdi. Uning «shaharliklar» bilan amaldagi shartnomasi 2034 yilning 30 iyuniga qadar mo‘ljallangan.
