«Manchester Yunayted» yozgi transferlar oynasidagi birinchi transferini rasman yakunladi. Bu haqda mashhur insayder Fabrisio Romano X ijtimoiy tarmog‘ida xabar berdi.

Manbaga ko‘ra, «qizil iblislar» va «Atalanta» braziliyalik markaziy yarim himoyachi Edersonning transferi bo‘yicha barcha hujjatlarni imzolab bo‘lgan.

Ma’lum qilinishicha, transfer qiymati 45 million yevroni tashkil etgan. Futbolchi bilan shartnoma imzolanishi esa yaqin kunlarda kutilmoqda. Jurnalistning ta’kidlashicha, Edersonning shaxsiy shartnomasi shartlari may oyidayoq kelishib olingan.

26 yoshli braziliyalik yarim himoyachi 2022 yil yozidan buyon «Atalanta» safida to‘p surib kelmoqda. U joriy mavsumda barcha musobaqalarda 41 ta uchrashuvda qatnashib, 3 ta gol va 1 ta golli uzatma muallifi bo‘ldi.