«Manchester Siti»ning braziliyalik vingeri Savio faoliyatini «Tottenxem»da davom ettirishni istamoqda. Bu haqda SportsCenter Brasil nashri xabar bermoqda.
Manbaning bergan ma’lumotlariga ko‘ra, 22 yoshli futbolchi Angliyada qolishni juda ham xohlaydi va faoliyatidagi keyingi qadam sifatida aynan «Tottenxem»ni tanlagan. Tomonlar o‘rtasida dastlabki muzokaralar bo‘lib o‘tgan. Yaqin kunlarda «shporlar» «shaharliklar»ga futbolchining transferi bo‘yicha rasmiy taklif yuborishi kutilmoqda.
Qayd etilishicha, «Tottenxem»ning sport departamenti Savioning harakatlarini anchadan buyon kuzatib keladi va uning iqtidoriga yuqori baho beradi. Yakunlangan mavsumda Savinyo barcha turnirlarda 36 ta o‘yinda maydonga tushib, o‘z hisobiga 4 ta gol va 3 ta golli uzatmani yozdirib qo‘ygan edi.
Avvalroq, «Manchester Siti» o‘z futbolchisining transferidan taxminan 70 million yevro ishlab olmoqchi ekanligi haqida xabarlar tarqalgandi.
