Италиялик машҳур мураббий Арриго Сакки "Комо"нинг ўйинидан олган таассуротлари билан ўртоқлашди. А Сериянинг 10-туридан ўрин олган "Наполи"га қарши учрашув 1 ноябрь куни Тошкент вақти билан соат 22:00'да бошланади.

"Наполи" 21 очко билан мусобақа жадвалида пешқадамлик қилмоқда. "Комо" бешинчи ўринда ва 16 очкога эга.

"Мен Фабрегасни шахсан танимайман, лекин "Комо" қандай ўйнаётганини кўряпман. У Европанинг энг яхши футбол университетларида таҳсил олган: "Арсенал" ва "Барселона". У ўйиннинг ҳақиқий дидини ўзига сингдирди. Устозларинг Арсен Венгер ва Пеп Гвардиола бўлса, хато қилиш қийин", - дея Саккининг сўзларини келтиради La Gazzetta dello Sport.

"Комо" футболчиларининг майдонда қандай ҳаракатланаётганига қаранг. Улар доимо нима қилишни, қандай позиция эгаллашни ва қийин вазиятлардан қандай чиқишни билишади. "Комо"нинг ўйинини томоша қилиб, кичик провинция жамоаси дейсизми? Йўқ. Бу кимнинг хизмати, мураббийнинг эмасми?".

Шунингдек, Сакки "Комо" неаполликлар билан учрашувда "автобус қўймайди" деган фикрни билдирди.