"Ан-Наср" бош мураббийи Жорже Жезуш "Ал-Файҳа"га (2:1) қарши ўйиндан кейин Криштиану Роналду ҳақида фикр билдирди.
Майдон эгалари 40 ёшли суперюлдузнинг дубли эвазига устун келди. Португалиялик ҳужумчининг ғалаба голи 104-дақиқада пенальтидан киритилди.
"Криштиану - ажойиб футболчи, у ўз танасини жуда яхши билади. У қачон дам олиш кераклигини, қачон алмаштиришни сўраш кераклигини тушунади. Баъзи ҳолларда уни ўзгартириб бўлмайди, чунки у Роналду. Унинг майдонда бўлиши жуда муҳим," - деди Жезуш ўйиндан кейин ОАВ билан суҳбатда.
Роналду Саудия Арабистони чемпионатининг жорий мавсумида еттита учрашувда саккизта гол урди.
