Мадриднинг «Реал» клуби бош мураббийи Хаби Алонсо кечаги «Валенсия»га қарши учрашувда Винисиус Жуниорнинг пенальтидан гол ура олмаган вазиятига изоҳ берди.

«Бу лаҳза мени хафа қилди, ҳисобни 3:0 қилишимиз мумкин эди. Жамоада асосий пенальтичи бор — бу Килиан Мбаппе. Бироқ ўйин вақтида футболчилар ўзаро келишиб, 11 метрлик зарбани ким амалга оширишини ўзлари ҳал қилишади», — деб мутахассиснинг сўзларини Sport.es нашри келтирган.

Эслатиб ўтамиз, учрашув «Сантьяго Бернабеу» стадионида бўлиб ўтди ва «қаймоқранглилар» 4:0 ҳисобида ғалаба қозонди. Бу баҳсда Мбаппе дубль қайд этди.