«Реал» бош мураббийи Хаби Алонсо жамоа марказий ярим ҳимоячиси Федерико Вальверденинг ўйини ҳақида фикр билдирди.

«Ҳаммамиз унинг қай даражада кўп қиррали ва юқори савияда ўйнаётганини кўряпмиз. Тўп билан ўйнаганда унда ҳақиқий ярим ҳимоячи руҳи бор, ҳужумда эса у жуда кучли. У ўйнашни бошлаганидан бери даражаси фақат ўсиб бормоқда», — деб Алонсонинг сўзларини «Реал» клуби матбуот хизмати келтирди.

Жорий мавсумда 27 ёшли ярим ҳимоячи 13 та учрашувда 4 та голли узатма берди. Вальверденинг «Реал» билан шартномаси 2029 йил ёзигача амал қилади.

Хаби Алонсо бошқараётган жамоа Испания чемпионатида 11 та турдан сўнг 30 очко жамғарган ҳолда пешқадамлик қилмоқда.