«Real» bosh murabbiyi Xabi Alonso jamoa markaziy yarim himoyachisi Federiko Valverdening o‘yini haqida fikr bildirdi.

«Hammamiz uning qay darajada ko‘p qirrali va yuqori saviyada o‘ynayotganini ko‘ryapmiz. To‘p bilan o‘ynaganda unda haqiqiy yarim himoyachi ruhi bor, hujumda esa u juda kuchli. U o‘ynashni boshlaganidan beri darajasi faqat o‘sib bormoqda», — deb Alonsoning so‘zlarini «Real» klubi matbuot xizmati keltirdi.

Joriy mavsumda 27 yoshli yarim himoyachi 13 ta uchrashuvda 4 ta golli uzatma berdi. Valverdening «Real» bilan shartnomasi 2029 yil yozigacha amal qiladi.

Xabi Alonso boshqarayotgan jamoa Ispaniya chempionatida 11 ta turdan so‘ng 30 ochko jamg‘argan holda peshqadamlik qilmoqda.