Эндрик Пауло Фонсека билан суҳбатдан сўнг "Лион"га ўтиш истагини билдирди.
L'Equipe хабарига кўра, "Лион" бош мураббийи Эндрик билан телефон орқали мулоқот қилиб, бразилияликни клуб лойиҳасига ишонтирган. "Реал" форварди 1 январдаёқ "Лион"га ўтиши учун ижара шартномаси имкон қадар тезроқ тузилишини истамоқда.
Қайд этилишича, "Реал" ва "Лион" ҳали трансфер шартлари бўйича келишиб олмаган, мадридликлар Эндрикнинг ижараси учун пул компенсацияси олишни истамоқда. Бундан ташқари, Эндрикнинг кетишига Франко Мастантуононинг чов жароҳати тўсқинлик қилиши мумкин.
Жорий мавсумда 19 ёшли ҳужумчи Ла Лига доирасида "Валенсия"га қарши ўйинда (4:0) 11 дақиқа майдонда ҳаракат қилди.
