"Барселона" ҳимоячиси Эрик Гарсия Чемпионлар Лигаси 3-туридан ўрин олган "Брюгге"га (3:3) қарши ўйин охирида жароҳат олди. 24 ёшли футболчи 93-дақиқада захирага олинди - унинг бурни синган кўринади. Barca Universal хабарига кўра, испаниялик финал ҳуштагидан сўнг шифохонага боришга мажбур бўлган, бироқ бундан олдин у журналистлар билан суҳбатлашишга улгурган.
- Ҳа, менимча, бурним синган. Кўрамиз. Умид қиламанки, муаммо иложи борича енгилроқ бўлади," - деди Гарсия интервьюда.
9 ноябрь, якшанба куни Ханс-Дитер Флик жамоаси Ла Лига доирасида "Сельта"га қарши майдонга тушади. "Кўк-анорранглилар" Чемпионлар лигасидаги навбатдаги ўйинини 25 ноябрь куни Англияда ўтказади - рақиб "Челси" бўлади.
