"Ан-Наср" шанба оқшомида Саудия Арабистони чемпионатида "Неом"ни 3:1 ҳисобида мағлуб этди. Барча голлар иккинчи бўлимда урилди.
Танаффусга ҳуштак чалингач, Криштиану Роналду ҳакамга эътироз билдирди. "Ан-Наср"нинг ҳужуми якунланишига ҳакам йўл қўймагани португалияликка ёқмаган кўринади. Шу пайт Роналду ҳакамга киноя билан шундай деди:
- Баракалла, баракалла. Шу руҳда давом эт, сен яхши ўйин ўтказяпсан - жуда яхши ўйин," - дея Роналдунинг сўзларини келтиради The Sun.
Иккинчи бўлимда Криштиану Роналду пенальтидан гол урди. Ҳозирда 40 ёшли португалиялик фаолияти давомида 953 та гол урган.
