Леверкузеннинг "Байер" клуби устози Каспер Юльманн Бундеслига 10-туридан ўрин олган "Хайденхайм"га қарши ўйиндаги йирик ҳисобдаги ғалабага изоҳ берди. "Доришунослар" рақибини 6:0 ҳисобида осонлик билан таслим этди.
"Бизга тезкор гол катта ёрдам берди. Ўшандан кейин ҳам жамоа босим ўтказишни тўхтатмади. Учрашув давомида юқори темпда ўйнадик. Бундай натижадан жуда хурсандмиз, лекин яна кучайишимиз мумкин," - дея мутахассиснинг сўзларини келтиради Бундеслига матбуот хизмати.
"Байер" очколарини 22тага етказиб, Германия чемпионати турнир жадвалида тўртинчи ўринда бормоқда. Леверкузен клуби пешқадам "Бавария"дан 6 очко ортда қолмоқда.
