"Қизилқум" - "Андижон" (2:1) учрашувидан кейинги матбуот анжуманида мезбонлар бош мураббийи Акмал Рустамов қатнашди:
- "Андижон" билан жуда қийин ўйин бўлишини билардик. Жиззахдаги мағлубиятдан кейин раҳбариятимиз ва мухлисларимиз олдида ҳам ғалабага бўлган иштиёқ юқори эди. Футболчиларимизга ва раҳбариятга раҳмат. Бизни қўллаб туришибди. Йигитлар кўрсатмаларни тўлиқ бажаришди. Чемпионатни охири ва жамоаларга қийин. "Андижон" ҳам ОЧЛда ўйнаяпти, уларга ҳам оғир. Сафарларга бориб келишяпти. Бизда ҳам қийинчиликлар бор. Бугунги учрашувда 4 та футболчимизни сариқ карточкалари тўпланиб қолганлиги учун ўйнай олишмади. Ёшларимиз билан ҳаракат қилдик, уларни тарбиялашда давом этамиз. Кейинги йилдан жамоада навоийлик ёшларимизни таркибга қўйиб борамиз.
- Ҳужумкор ўйин кўрсатишяпти. Лекин ўткир ҳужумчи кўринмаяпти. Гол ҳам стандартлардан уриляпти. Буни қандай тушунтира оласиз?
- Улар вазифаларни бажаришди. Ечиниш хонасида айтилган вазифани уддалашди, уларга раҳмат. Ўйинда қарши ҳужумда ўйнадик. Аммо ҳисоб бизни фойдамизга ва барча мухлисларимизни табриклайман.
- "Андижон" бош мураббийи "Қизилқум" вазият ярата олмаганини айтди. Бунга сиз нима дейсиз?
- Ҳаммани ўз фикри бор. Менда бундай фикр йўқ. Биз битта имконият бўлса, шундан гол уришни хоҳлаймиз. "Андижон"га қарши яхши тайёргарлик кўргандик. Худога шукр, юзимиз ёруғ бўлди. Ғалаба биз томонда. Уларда имконият кўпроқ бўлди, аммо фойдалана олишмади. Биз ҳам Жиззахда "Сўғдиёна"га қарши ўйнаганимизда 6-7 та яхши вазиятларни яратгандик. Бу сафар иккита вазиятимиздан иккита гол урдик. Йигитлардан миннатдорман.
