"Галатасарой" ҳужумчиси Виктор Осимхен яна Европа грандлари трансферлар рўйхатида пайдо бўлди.
Нигериялик футболчи Чемпионлар лигасида учта ўйинда олтита гол уриб, тўпурарлар рўйхатида етакчилик қилмоқда. Амстердамнинг "Аякс" клуби билан кечган учрашувда форвард хет-трик қайд этди. Transfer News Live нашрининг Fanatik’га таяниб хабар беришича, Осимхеннинг муваффақиятларини "ПСЖ", "Барселона", "Ливерпуль", "Челси" ва "Манчестер Юнайтед" клублари кузатиб бормоқда - бешта клуб ҳам футболчини келажакда сотиб олиш имкониятини кўриб чиқмоқда.
"Галатасарой" Виктор Осимхенни жорий йилнинг июль ойида "Наполи"дан 75 млн еврога сотиб олган эди. Transfermarkt порталида 26 ёшли истанбуллик юлдузнинг нархи 75 миллион долларга баҳоланмоқда.
