"Барселона" бош мураббийи Ханс-Дитер Флик каталонияликларнинг Ла Лига турнир жадвалида пешқадамлик қилаётган "Реал"дан ортда қолаётгани ҳақида гапирди. "Кўк-анорранглилар" 12 тур якунларига кўра 28 очко, "қаймоқранглилар" эса 31 очко жамғаришди.
"Айтдим-ку. Биз ўзимизга эътибор қаратамиз. Биз яна яхши прессингни бошладик ва шунинг учун жуда хурсандман. Терма жамоалар ўртасидаги танаффусга қадар ғалаба қозониш - бу ажойиб", - дея Фликнинг сўзларини келтиради Испаниянинг АS нашри.
Ички чемпионатнинг навбатдаги ўйинида "Барселона" Бильбаонинг "Атлетик" клубига қарши майдонга тушади. Учрашув 22 ноябрь куни "Камп Ноу" стадионида бўлиб ўтади.
