2025 йилнинг августига қадар "Фенербахче" клубини бошқарган португалиялик мураббий Жозе Моуриньо меҳмонхона тўловини амалга оширмасдан Туркияни тарк этди. Бу ҳақда Yeniçag‘ Gazetesi хабар бермоқда.
Истанбулда жойлашган Four Seasons меҳмонхонасининг люкс хоналаридан бирида 15 ой яшаш Моуриньога 747 минг еврога тушиши керак эди. Ҳозирча ушбу маблағни ким тўлаши маълум эмас: мураббийми ёки "Фенербахче". Қайд этиш керакки, мутахассис шартномани муддатидан олдин бекор қилгани учун ҳалигача клубдан 15 миллион евро товон пули олмаган.
Айни пайтда Моуриньо "Бенфика"ни бошқармоқда. Унинг шогирдлари Португалия чемпионатида "Порту"дан 6 очко ортда қолиб, 3-ўринда бормоқда.













