Нигерия терма жамоаси футболчилари ЖЧ-2026 саралаши плей-офф ўйинлари бошланишига икки кун қолганида машғулотларни бойкот қилди, деб ёзади Blueprint.ng.
Манбага кўра, бойкот мукофот пулларини тўлаш билан боғлиқ ҳал этилмаган муаммолар туфайли юзага келган.
"Тўловлар бўйича қарздорлик билан боғлиқ муаммолар ҳал этилмагани сабабли Марокашдаги бугунги машғулотни бутун таркиб, жумладан, расмийлар ҳам бойкот қилди", - дейилади футболчилар баёнотида.
Нигерия терма жамоаси 13 ноябрь, пайшанба куни Габонга қарши баҳс олиб боради. Ғолиб Камерун - Конго ДР жуфтлиги ғолиби билан ЖЧ-2026 йўлланмаси учун ўйнайди.
