MLS директорлар кенгаши тақвимга ўзгартиришлар киритишга ва куз-баҳор тизимига ўтишга, шу тариқа Европанинг етакчи лигалари билан синхронлашишга тайёр.
Бундан ташқари, лигада ягона жадвал жорий этилиши мумкин, аммо бешта дивизион билан. Ҳозир жамоалар иккита - Шарқий ва Ғарбий конференцияга бўлинган.
Клублар эгалари бу ўзгаришлар 2026 йилдан кучга киришини исташган, бироқ расмий овоз бериш ҳали ўтказилмаган.
Куз-баҳор тизимига ўтиш МЛСга дунёнинг аксарият мамлакатларида асосий ва қўшимча трансфер ойнасига мос келиш имконини беради, деб ишонилади.
МЛСнинг мунтазам чемпионати июль ёки августдан апрелгача давом этиши, плей-офф эса май ойида ўтказилиши режалаштирилган. Чемпионатдаги танаффус декабрь ва январь ойларида кўзда тутилган.
