Криштиану Роналду ўзининг фаолиятидаги 1000-голини уриш ҳақидаги саволга ҳазил билан жавоб берди. Роналдунинг ҳозирда 953 та голи бор. Бир журналист Криштианудан Жаҳон чемпионати финалида 1000-голини уриб, чемпион бўладиган сценарийни тасаввур қилишни сўради.
"Сиз жуда кўп фильм томоша қилганга ўхшайсиз (кулади), бу жуда идеалистик бўларди. Ҳақиқатга қайтадиган бўлсак, айтганларингизнинг барчаси, албатта, мени хурсанд қилади. Миллий терма жамоа фақат битта ўйинчига боғлиқ эмас", деди Роналду.
Криштиану 40 ёшда. Фаолияти давомида у "Спортинг", "Манчестер Юнайтед", "Реал Мадрид" ва "Ювентус" жамоаларида ўйнаган.
