Англия терма жамоаси хавбеки Эберечи Эзе ЖЧ-2026 саралашидан ўрин олган Сербияга қарши ўйиндан сўнг ўз фикрларини билдириб ўтди. Унда Томас Тухель шогирдлари 2:0 ҳисобида ғалаба қозонди.
"Биз кўпроқ гол уришимиз мумкин эди. Рақиб дарвозаси олдида кўплаб вазиятлар яратилди. Ўйлайманки, биз бу учрашувда ўзимизни яхши кўрсатдик, бу ажойиб ғалаба," - дея ҳужумкор ярим ҳимоячининг сўзларини келтиради УEФА матбуот хизмати.
Англия терма жамоаси муддатидан аввал ЖЧ-2026 йўлланмасини қўлга киритди. Нуфузли турнир ёзда Шимолий Америкада бўлиб ўтади. Кубокнинг амалдаги соҳиби ЖЧ-2022 финалида Францияни пенальтилар сериясида мағлуб этган Аргентина терма жамоаси ҳисобланади.
