"Барселона" ярим ҳимоячиси Педри жамоанинг собиқ мураббийлари ҳақида фикр билдирди.

"Мен доим Кумандан миннатдор бўламан, чунки у менга дебют қилишга имкон берди ва мени танимаганларида менга ишонди. Хави умидни қайтаришга ёрдам берди ва биздан ҳеч ким кутмаган пайтда чемпионликни қўлга киритдик. Хави - клуб афсонаси, у ёшларга жуда ишонарди. Флик билан яна бир қадам олдинга ташладик. Зарур бўлганда қаттиққўл, кулиш вақти келганда эса бизни кўп кулдиради. Одатда у хотиржам, бироқ уни ғазаблантирмаган маъқул," - дея Педрининг сўзларини келтиради BarcaTimes.

Жорий мавсумда 22 ёшли Педри барча турнирлар ҳисобида 13 та ўйинда майдонга тушиб, 2 та гол урди ва 2 та голли узатмани ўз ҳисобига ёздириб қўйди.