Лондоннинг "Арсенал" клуби ва Бразилия терма жамоаси ҳужумчиси Габриэль Жезус яна бир бор "Палмейрас"га қайтиш истагини билдирди.
"Мен ҳеч қачон бошқа клуб билан алоқада бўлмаганман ва менинг истагим, айтганимдек, "Палмейрас"га қайтиш. "Палмейрас" ҳам менинг қайтишимни истайди. Вақти келганини ҳис қилганимда, буни "Арсенал" билан ҳал қиламан", - дея Жезуснинг сўзларини келтиради Mirror.
Аввалроқ, "Арсенал" бош мураббийи Микель Артета Жезуснинг январда клубни тарк этишига тўсқинлик қилгани ҳақида хабарлар тарқалган эди.













