"Реал" марказий ҳужумчиси Гонсало Гарсия ўйин амалиёти камлиги сабаб қишда жамоасини ўзгартириши мумкин.
Marca хабарига кўра, Мадриднинг бошқа бир жамоаси "Хетафе" 21 ёшли футболчини ўз сафига қўшиб олишни ўйламоқда. Томонлар ижара шартномаси бўйича келишувга эришиши мумкин.
Аввалроқ, Гонсало Гарсия учун "Астон Вилла" 20 миллион евро тўлашга тайёрлиги айтилган эди.
Футболчи жорий мавсумда жами 9 та ўйинда 108 дақиқа ҳаракат қилди ва 1 та голли узатма амалга оширди.













