"Атлетико"нинг норвегиялик ҳужумчиси Александр Серлот ҳамон "Фенербахче"нинг трансфер рўйхатида биринчи ўринда бормоқда. Бу ҳақда журналист Экрем Қонур маълум қилди.
Манбага кўра, "матрасчилар" Сорлотни сотиш истагида эмас, аммо 35 миллион евродан юқори таклифларни кўриб чиқишлари мумкин. Шунга қарамай, норвегиялик ҳужумчи бу босқичда Туркияга кўчиб ўтишни устувор вазифа сифатида кўрмаяпти.
Жорий мавсумда Сорлот барча мусобақаларда 14 та ўйинда майдонга тушди ва 2 та гол урди.
Сорлотнинг "Атлетико" билан амалдаги меҳнат шартномаси 2028 йилгача мўлжалланган.
Transfermarkt маълумотларига кўра, футболчининг нархи 25 миллион еврога тенг.
