Саудия Арабистонида "Ал-Иттиҳод" сафида тўп тепаётган франциялик ҳужумчи Карим Бензема Мадриднинг "Реал" клуби бразилиялик вингери Винисиус Жуниорнинг савиясига баҳо берди.
"Бу футболчи клуб учун нималар қилганини унутмаслик керак. Уни ноҳақ танқид қилишяпти, деб ҳисоблайман. У жуда катта босимга учраётган феноменал ўйинчи. Албатта, Винисиус бундан ҳам яхшироқ ўйнаши мумкин, аммо ҳозир ҳам у жуда ёмон деб айта олмайман," - дея Каримнинг сўзларини келтирди Фабрицио Романо.
Жорий мавсумда бразилиялик футболчи "қаймоқранглилар" сафида 22 та ўйин ўтказиб, 6 та гол ва 5 та голли узатма муаллифи бўлди.
