25 ёшли бразилиялик ҳужумчи Антони фаолиятини Германия Бундеслигасида давом эттириши мумкин бўлганини айтди. Ёзги трансфер ойнаси охирида "Бавария" унга мурожаат қилди. Бироқ, ҳужумчи илгари шартнома шартлари бўйича келишиб олган "Бетис"га ўтишдан бош тортмади.
"Бавария" ёзги трансфер ойнасининг сўнгги 24 соатида мени сотиб олишга ҳаракат қилди. Компани менга шахсан қўнғироқ қилди... биз гаплашдик ва у ҳар доим менинг ўйинимнинг ашаддий мухлиси бўлганини айтди... Лекин мен "Бетис"га сўзимни берганман, шунинг учун уларга хиёнат қила олмайман, дедим. Мен шу ерда бахтлиман", деди Антони.
Бу мавсумда Антони барча мусобақаларда "Бетис" сафида 11 та ўйинда майдонга тушди. Ҳужумчи олтита гол урди ва иккита голли узатма берди.
