"Манчестер Сити" бош мураббийи Хосеп Гвардиола "Барселона"га қайтиши ҳақида гапирди.
Goal порталининг хабар беришича, Гвардиола RAC1 учун берган интервьюсида "Барселона" унга ҳам футболчи, ҳам мураббий сифатида ҳамма нарсани берганини таъкидлаган. Хосеп қайтиш имкониятини истисно қилмади.
"Мен "Барселона"га қайтишни истисно қилмайман," - деди Гвардиола бошқа нарсалар қаторида.
Хосеп Гвардиола мураббий сифатида 2008-2012 йилларда "Барселона"нинг асосий жамоасида ишлаган. Ўша даврда каталонияликлар кўплаб унвонларни қўлга киритди, хусусан, уч марта Испания чемпиони бўлди ва икки марта Европа чемпионлари кубогини боши узра кўтарди.
"Манчестер Сити"га Хосеп Гвардиола 2016 йилнинг ёзидан буён устозлик қилиб келмоқда.
