Шотландия терма жамоаси бош мураббийи Стив Кларк Дания устидан қозонилган ғалаба ҳақида фикр билдирди.

4:2 ҳисобида якунланган ўйин шотландларга 1998 йилдан бери биринчи марта жаҳон чемпионатига йўлланма берди.

"Биз жаҳон чемпионатига борамиз. Ёмон эмас. Мен танлов бошида миллат босимини ҳис қилганимни айтгандим, энди бу юк йўқолди. Қандай ажойиб ўйинчилар, улар ҳеч қачон таслим бўлишмайди! Улар қанчалик яхши ва ўз мамлакати учун фойда келтиришга қанчалик тайёр эканликлари ҳақида кўпдан бери гапириб келаман. Улар буни бугун кечқурун кўрсатишди, бу фантастика, бу ажойиб," - дея Кларкнинг сўзларини келтиради Sky Sports.

Шотландия 13 очко билан саралашни якунлади. Данияда 11, Грецияда 7, Беларусда 2 очко бор.