Суперлига 29-тури марказий тўқнашувида "Пахтакор" "Насаф"га қарши Тошкентда ўйнайди.
Беллашувлар тарихига назар ташлайдиган бўлсак, чемпионатларда жамоалар жами 57 марта ўзаро баҳс олиб боришган. Уларнинг 30тасида "Пахтакор" зафар қучган бўлса, 15 беллашувда дуранг натижа қайд этилган. Қаршиликлар эса 12 ўйинда ғалаба қозонишган. Рақиб дарвозасини 81 бор ишғол қилган "шерлар" ўз дарвозасидан 51 гол ўтказиб юборган.
Тошкентдаги беллашувларда "Пахтакор" 21 ғалаба, 5 дуранг ва 2 мағлубият қайд этган. Тошкентдаги баҳсларда "Шерлар" 48 гол уриб, 15 тўп ўтказишган.
"Пахтакор"ва "Насаф" жамоалари ўртасидаги беллашув 20 ноябрь, пайшанба куни «Жар» стадионида соат 18:15да бошланади.
