"Челси" дарвозабони Филип Йоргенсен қишки трансферлар ойнасида кетиш ҳақида ўйламоқда.
Даниялик футболчи ўйин амалиёти етишмаслигидан норози. У жорий мавсумда атиги 4 марта майдонга тушди. Инсайдер Фабрицио Романонинг эксклюзив маълумотларига кўра, 23 ёшли дарвозабон январь ойида "кўклар" сафини тарк этишга тайёр.
Футболчининг тақдири Лондон клубининг қарорига боғлиқ бўлади. 2024 йилнинг ёзида "Челси" Филипп Йоргенсенни Испаниянинг "Вильярреал" клубидан 24,5 миллион еврога сотиб олди.
Transfermarkt талқинига кўра, футболчининг ҳозирги нархи 18 млн еврони ташкил этади.
