Ярим ҳимоячи Франк Кессье клубдан кетганидан тўққиз йил ўтиб, эркин агент сифатида расман «Аталанта»га қайтди.
29 ёшли футболчи Саудия Арабистонининг «Ал-Аҳли» клубида ўтказган уч мавсумидан сўнг Европада янги чақириқ излаётган эди. Кессье 2022 йилда «Барселона»дан «Ал-Аҳли»га кўчиб ўтганди.
Футболчи «Ювентус» билан музокаралар олиб борди, аммо келишув амалга ошмади. Бергамо клуби дастлаб Кот-д’Ивуар терма жамоаси футболчисини ўз сафига қўшиб олиш учун асосий даъвогарлар қаторида эмасди. Бироқ томонлар атиги бир неча соат ичида барча масалаларни ҳал қилиб, шартнома имзолади.
Кессье «Аталанта» сафида 31 та расмий учрашув ўтказиб, 7 та гол урган ва 4 та голли узатмани амалга оширган. Шундан сўнг 2017 йил ёзида 32 миллион евро эвазига «Милан»га ўтган эди.
