Yarim himoyachi Frank Kessye klubdan ketganidan to‘qqiz yil o‘tib, erkin agent sifatida rasman «Atalanta»ga qaytdi.
29 yoshli futbolchi Saudiya Arabistonining «Al-Ahli» klubida o‘tkazgan uch mavsumidan so‘ng Yevropada yangi chaqiriq izlayotgan edi. Kessye 2022 yilda «Barselona»dan «Al-Ahli»ga ko‘chib o‘tgandi.
Futbolchi «Yuventus» bilan muzokaralar olib bordi, ammo kelishuv amalga oshmadi. Bergamo klubi dastlab Kot-d’Ivuar terma jamoasi futbolchisini o‘z safiga qo‘shib olish uchun asosiy da’vogarlar qatorida emasdi. Biroq tomonlar atigi bir necha soat ichida barcha masalalarni hal qilib, shartnoma imzoladi.
Kessye «Atalanta» safida 31 ta rasmiy uchrashuv o‘tkazib, 7 ta gol urgan va 4 ta golli uzatmani amalga oshirgan. Shundan so‘ng 2017 yil yozida 32 million yevro evaziga «Milan»ga o‘tgan edi.
