Англия терма жамоаси бош мураббийи Томас Тухель сўнгги вақтларда жамоа қайдномасига киритилмаган футболчилар билан яқиндан мулоқот қилишини маълум қилди.
"Аввало, ҳозир менинг ишим ҳамма билан, Трент каби футболчилар билан боғланишдан иборат. 55-60 ўйинчига улар нега бу ерда эмаслигини тушунтириш керак.
Уларга нима қилишлари кераклигини, қаерда яхшиланишлари мумкинлигини айтиш менинг келгуси ҳафта ва ойлардаги ишим бўлади.
Буни Facetime орқали амалга оширган маъқул. Шунда мен ҳеч бўлмаганда юз ифодасини кўра оламан ва одам ҳақида тасаввур ҳосил қила оламан. Баъзиларининг олдига борамиз, баъзилари билан телефонда гаплашамиз. Кўрамиз.
Қулоқ солинг, биз бу саралашни эндигина тугатдик ва мен ҳамма билан, ҳатто биз билан унчалик кўп бўлмаган йигитлар билан ҳам боғланиб, уларнинг қаерда эканликларини айтиш ва уларга ҳалол баҳо бериш муҳим деб ҳисоблайман," дейди Тухель.
